எடுப்பு
முனைவரின் நூலை முனைந்துபடி! – திரு
முருகரின் நூலை முழுதும்படி!
(முனைவரின்)
தொடுப்பு
நினைவினில் நிலவும் தெளிதமிழே! – அவர்
கனவிலும் குலவும் கனிதமிழே!
(முனைவரின்)
முடிப்பு
முத்தமிழ் நூல்களை முறைப்படி கற்றவர்! – தமிழ்
மொழிப்போர் மறவரில் முதலிடம் பெற்றவர்!
மெத்தவே இசையினில் மேன்னிலை யுற்றவர் - மிக
மென்மையாய் இலக்கணம் சொல்லஈ டற்றவர்!
(முனைவரின்)
ஆட்சியில் தமிழ்வர அரும்பாடு பட்டவர் - புகும்
அயல்மொழி அகற்றிட அறிக்கைகள் விட்டவர்!
மாட்சிமை அன்பால்நம் மனங்களைத் தொட்டவர்-ஆய்வு
மாணவர்க் காகவே தம்முடல் இட்டவர்
(முனைவரின்)
Aucun commentaire:
Enregistrer un commentaire