எடுப்பு
செந்தமிழ்ச் செல்வமே! திருமுருகா! – உன்
சந்தமே இசைதரும் பெரும்பரிசா!
(செந்தமிழ்)
தொடுப்பு
சிந்துகள் பாடிடச் செய்த..நூல் அருமை! – உன்
சிந்தனை யாவிலும் நந்தமி;ழ்ப் பெருமை!
(செந்தமிழ்)
முடிப்புக்கள்
சூடிடச் சூடிடத் தூமலர் கசங்கும்! - இங்குத்
தோதிலா அயல்மொழி உனைக்கண்டு பொசுங்கும்!
பாடிடப் பாடிடப் பண்ணிசை வழங்கும் - உனை
தேடிடத் தேடிடத் தெளிதமிழ் முழங்கும்!
(செந்தமிழ்)
இலக்கிய எண்ணங்கள் இயற்றிய தலைவா! – தமிழ்
இலக்கணம் இனித்திடும் என்றநற் புலவா!
தலைக்கணத் தலைகளைத் தட்டிய தமிழா! - இன்று
தவிர்த்திட எங்களை விட்டதேன் முருகா
(செந்தமிழ்)
Aucun commentaire:
Enregistrer un commentaire