என் அன்னை!
எடுப்பு
பாலூட்டிச் சீராட்டித் தாலாட்டினாள்!
- நல்ல
பண்பூட்டி அன்பூட்டித் தமிழூட்டினாள்!
- அன்னை...
(பாலூட்டி)
தொடுப்பு
காலிரண்டில் எனைப்போட்டுக் கதைகூறினாள்!
- என்
கண்ணிரண்டில் மையூட்டித் தலைவாரினாள்!
- அன்னை...
(பாலூட்டி)
முடிப்பு
எனைப்பெற்ற என்தாயே! கலியாணியே! - ஏன்
எனைவிட்டுப் பிரிந்தாயே கலைவாணியே!
மனைவிட்டுப் போனாலும் உன்காட்சியே! - என்
மனம்விட்டுப் போகாது உன்ஆட்சியே! - அன்னை...
(பாலூட்டி)
கல்லூரி போய்வரவே எனைஅனுப்பினாள்! - வாயிற்
கதவோரம் காத்திருந்து சிலையாகினாள்!
எல்லாமும் எனக்குண்டு நீயில்லையே - அம்மா
என்றேனும் உனைக்காண்பேன் தடையில்லையே!
- அன்னை...
(பாலூட்டி)
Aucun commentaire:
Enregistrer un commentaire