மொழிகளில் இனியது
எடுப்பு
மொழிகளில் இனியது முத்தமிழ் அமிழ்தே!
- இங்கு
முந்தய மொழிகளில் மூத்ததும் அதுவே!
(மொழி)
தொடுப்பு
விழிகளைக் காப்பது போலவே காப்பாய்! - நம்
வியன்தமிழ்ச் சிறப்பினை எங்குமே சேர்ப்பாய்!
(மொழி)
முடிப்பு
கம்பனின் கற்பனைக் கண்டெனச் சுவைப்பாய்!
- நற்
கருத்துள வள்ளுவன் குறளினை விதைப்பாய்!
நம்முடை இளங்கோவின் சிலம்பினை இசைப்பாய்!
- உயர்
நலந்தரும் தமிழென நாளுமே குதிப்பாய்!
(மொழி)
கவினுற அகம்புறம் கமழ்வதும் தமிழே! - தொல்
காப்பிய இலக்கணம் திகழ்வதும் தமிழே!
புவிமகிழ் திருப்புகழ் பூப்பதும் தமிழே!
- நாம்
போற்றிடும் உயிரென இருப்பதும் தமிழே!
(மொழி)
06.01.2013
Aucun commentaire:
Enregistrer un commentaire