தமிழர் பெருங்கடன்
எடுப்பு
தமிழர் பெருங்கடன் எதுவாகும் - உயர்
தமிழைப் படி..உடன் அதுவாகும்!
(தமிழர்)
தொடுப்பு
கமழும் தமிழ்மரை பொதுவாகும் - அதன்
கருத்துச் சுவைமிகும் மதுவாகும்!
(தமிழர்)
முடிப்பு
பிள்ளை வளர்ந்திடவே பாலூட்டு - நன்கு
பேசி மகிழ்ந்திடவே தமிழூட்டு!
பள்ளிக் களந்தனிலே பண்பூட்டு - நாளும்
பாரிற் சிறந்திடவே அன்பூட்டு!
(தமிழர்)
பெற்றவர் தெய்வமாம் நீபோற்று - உனை
உற்றவள் அன்பினள் காப்பாற்று!
கற்றவர் சொற்களில் கருத்தூன்று -
என்றும்
நற்றமிழ் அமிழ்தினை நீவேண்டு!
(தமிழர்)
Aucun commentaire:
Enregistrer un commentaire